ABŞ-da koronavirusa yoluxmada növbəti rekord

ABŞ-da son sutka ərzində 154 576 nəfərdə yeni növ koronavirus aşkarlanıb. Bu, pandemiyanın başlanğıcından bəri rekord günlük göstəricidir.

“Report” xəbər verir ki, bunu Cons Hopkins Universitetinin məlumatları göstərir.

Əvvəlki rekord 153 496 nəfərin yoluxduğu 12 noyabr tarixində qeydə alınmışdı.

Ümumilikdə ABŞ-da təxminən 10,7 milyon nəfər virusa yoluxub, 6,3 milyon nəfər sağalıb, 244 169 min insan ölüb.

Dünyada koronavirusa yoluxanların sayı 52,48 milyonu ötüb, virusdan 1,29 milyondan çox yaxın insan ölüb.