Şura sədri: Gənclərin ictimai-siyasi fəaliyyəti ilə bağlı yerli və beynəlxalq müstəviyə çıxaracağımız təşəbbüslər var

Gənclər təşkilatları Qərbi Azərbaycana qayıdış məsələlərində aktiv fəaliyyət göstərirlər.

“Report” xəbər verir ki, bunu Qərbi Azərbaycan İcmasının Gənclər Şurasının sədri Şahin İsmayılov “Qərbi Azərbaycana qayıdış” Gənclərin Toplantısından öncə jurnalistlərə açıqlamasında deyib.

Onun sözlərinə görə, müasir Azərbaycan gəncliyinin bu cür fəallığı təqdirəlayiqdir:

“Gənc nəslin bu cür aktiv fəaliyyəti qərbi azərbaycanlıların öz tarixi torpaqlarına qayıtması istiqamətində məqsədə çatmasına böyük fayda verəcək”.

Şura sədri cari ildə gənclərin ictimai-siyasi fəaliyyəti ilə bağlı həm yerli, həm də beynəlxalq müstəviyə çıxaracağı bir sıra təşəbbüslərinin də olduğunu söyləyib.