Hadrut və Qırmızı Bazar qəsəbələrinə yeni köçürülən ailələrə açarlar təqdim edilib - YENİLƏNİB

Xocavənd rayonunun Hadrut və Qırmızı Bazar qəsəbələrinə yeni köçürülən ailələrə mənzillərin açarları təqdim edilib.

"Report"un Xocavəndə ezam olunan əməkdaşı xəbər verir ki, açarların təqdim edilməsi mərasimində Azərbaycan Respublikası Prezidentinin Ağdam, Füzuli və Xocavənd rayonlarında xüsusi nümayəndəliyi ilə Qaçqınların və Məcburi Köçkünlərin İşləri üzrə Dövlət Komitəsinin əməkdaşları iştirak ediblər.

Bu mərhələdə Hadruta 10 (47 nəfər), Qırmızı Bazara isə 20 ailə (91 nəfər) köçürülüb.

12:50

Növbəti köç karvanları Xocavənd rayonunun Hadrut və Qırmızı Bazar qəsəbələrinə çatıb.

"Report"un Xocavəndə ezam olunan əməkdaşı xəbər verir ki, bu mərhələdə Hadruta 10 (47 nəfər), Qırmızı Bazara isə 20 ailənin (91 nəfər) qayıdışı təmin olunub.