Keçmiş məcburi köçkün: Şəhidlərimizə borcumuzu ödəyə bilmərik

İnşallah, bizim kimi digərlərinin də torpaq həsrəti tez zamanda sona çatar.

"Report" xəbər verir ki, bunu Cəbrayıl rayonun Şükürbəyli kəndinə köç edən keçmiş məcburi köçkün Məhəmməd Mustafayev jurnalistlərə açıqlamasında deyib.

"30 il idi, yataqxanada qalırdıq, bu gün isə doğma torpağımıza qayıdırıq. Bizə bu günləri nəsib edən şəhidlərimizə borcumuzu ödəyə bilmərik, Allah onlara rəhmət eləsin, qazilərimizə cansağlığı versin. Ali Baş Komandanımızın yolu hər zaman açıq olsun.

Bura üç nəfər gəlmişdik, indi isə doqquz nəfər qayıdırıq. İnşallah, bizim kimi digərlərinin də torpaq həsrəti tez zamanda sona çatar", - keçmiş məcburi köçkün deyib.

Qeyd edək ki, Şükürbəyli kəndinə 25 ailə - 154 nəfər köçürülür.