Daşkəsəndə Xocalı soyqırımı anılıb

Daxili siyasət

26 fevral, 2023
10:43

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Daşkəsəndə Xocalı soyqırımı anılıb.

"Report"un Qərb bürosunun məlumatına görə, Daşkəsən Rayon İcra Hakimiyyətinin və rayonun hüquq-mühafizə orqanlarının rəhbərləri, şəhid valideynləri, qazilər və ictimaiyyət nümayəndələri Şəhidlər xiyabanını ziyarət ediblər, şəhidlərin məzarları üzərinə tər güllər düzüblər.

Tədbirdə qeyd olunub ki, XX əsrin faciəsi – Xocalı soyqırımının anım günü Azərbaycan xalqının milli birliyinin rəmzinə çevrilib.

Anım tədbirində rayon rəsmiləri şəhid ailələri, Qarabağ müharibəsi qaziləri və veteranlarla görüşüb, həmçinin onların qayğıları ilə maraqlanıb, müraciətləri dinlənilib.