Baş prokuror: "Ötən il dövlət ittihamçıları tərəfindən verilmiş 563 apellyasiya protesti təmin olunub"

"Ötən il dövlət ittihamçıları tərəfindən yuxarı instansiya məhkəmələrinin qərarlarından verilmiş 563 apellyasiya protesti təmin edilib".

"Report" xəbər verir ki, bunu Ali Məhkəmənin 100 illiyi ilə bağlı keçirilən tədbirdə Baş prokuror Kamran Əliyev deyib.

O qeyd edib ki, bu say verilmiş protestlərin 51.3 faizi deməkdir.

Baş Prokuror bildirib ki, kassasiya protestləri üzrə isə bu göstərici müvafiq olaraq 157 və ya 24.5 faizdir. Kassasiya protestləri əməlin tövsifi, qanunun tətbiqi və hüquqi məsələlərlə bağlıdır.