"ASAN xidmət"də 100 milyonuncu müraciəti edilmiş körpənin anası: Təəccüblü və sevindirici haldır

"ASAN xidmət"də 100 milyonuncu müraciəti edilmiş körpənin anası Göyçək Kamalzadə bildirib ki, bu həm təəccüblü, həm də sevindirici haldır.

"Report" xəbər verir ki, o, jurnalistlərə açıqlamasında deyib ki, bu müraciət qızı İnci Kamallının vətəndaş qeydiyyatı və doğum haqqında şəadətnaməsinin alınması ilə bağlı olub.

"Təsadüfən 100 milyonuncu müraciətin bizə məxsus olduğunu öyrəndik. Təccüblü və sevincdirici haldır. ASAN xidmət bizə doğmadır. Çünki mən burada könüllü olmuşam. Nikahımız da burda qeydə alınıb", - o qeyd edib.

G.Kamalzadə onu da deyib ki, ASAN xidmət hər zaman şəffaf və operativ fəaliyyəti ilə seçilir.