Dövlət Agentliyi şirkətləri dövlət satınalmalarında daha fəal iştiraka çağırıb

Prezident yanında Antiinhisar və İstehlak Bazarına Nəzarət Dövlət Agentliyi potensial təchizatçıları dövlət satınalmalarında daha fəal iştirak etməyə çağırır.

"Report"un Şamaxıya ezam olunmuş müxbiri xəbər verir ki, bunu Agentlik sədrinin müavini Mirzə Mirzəyev media nümayəndələri üçün keçirilən təlimdə bildirib.

"Biz bütün potensial təchizatçıları satınalma proseslərində daha fəal iştirak etməyə çağırırıq. Çünki iştirakçı sayının artması sağlam rəqabəti gücləndirir, sahibkarlar üçün dövlət sifarişlərinə çıxış imkanlarını genişləndirir və dövlət satınalmaları sahəsində müsbət dinamikanın davamlı xarakter almasına töhfə verir", – deyə o qeyd edib.