Bakıda kommersiya obyektləri apreldə ucuzlaşıb

Bu ilin aprel ayında Bakıda kommersiya obyektlərinin qiymətləri (1 kvadrat metrə görə) mart ayına nisbətən 8,6 % ucuzlaşıb, son 1 ildə isə 10,5 % bahalaşıb.

Bu barədə “Report”a “Azərbaycan Qiymətləndiricilər Cəmiyyəti” İctimai Birliyinin sədri, MBA konsaltinq və qiymətləndirmə şirkətinin baş direktoru Nüsrət İbrahimov məlumat verib.

Bundan başqa, onun sözlərinə görə, kommersiya obyektlərinin icarə qiymətləri (1 kvadrat metrə görə) ay ərzində 12,6 %, il ərzində isə 20,5 % artıb.