Bakıda göstərilmiş ödənişli xidmətlərin ümumi dəyəri 9 %-dən çox artıb

2024-cü ildə Bakıda əhaliyə göstərilən ödənişli xidmətlərin dəyəri 8 milyard 335,8 milyon manat olub ki, bu da 2023-cü illə müqayisədə real ifadədə 9,1 % çoxdur.

Bu barədə “Report”a Bakı şəhər Statistika İdarəsindən məlumat verilib.

Məlumata görə, təkcə hüquqi şəxslər əhaliyə 7 milyard 295,5 milyon manatlıq xidmət göstərib ki, bu da xidmətlərin ümumi dəyərinin 87,5 %-ni təşkil edib.

2024-cü ildə Azərbaycanda əhaliyə göstərilən ödənişli xidmətlərin dəyəri 2023-cü illə müqayisədə real ifadədə 8,6 % artaraq 12 milyard 885,5 milyon manat olub. Hüquqi şəxslər əhaliyə 9 milyard 698,8 milyon manatlıq xidmət göstərib ki, bu da xidmətlərin ümumi dəyərinin 75,3 %-ini təşkil edib.