Azərbaycanın investisiya cəlbediciliyi artıb

Avropa Palatası (“EuCham”) “2020-ci ildə biznes üçün ən yaxşı Avropa ölkələri” adlı araşdırma hazırlayıb.

“Report” xəbər verir ki, sənəddə investisiya cəlbediciliyinə görə ölkələrin reytinqi tərtib olunub.

Azərbaycan siyahıda 53 balla 41-ci yeri tutub. 2019-cu illə müqayisədə Azərbaycan 3 pillə irəliləyib.

Gürcüstan isə investisiya cəlbediciliyini nisbətən itirib. Belə ki, ötən il siyahıda 16-cı olan qonşu ölkə reytinqdə iki pillə geriləyərək 70 balla 18-ci yerdə qərarlaşıb.

Araşdırmada Dünya Bankı və “Beynəlxalq Şəffaflıq” təşkilatının indeksləri əsas götürülüb.