Azərbaycan Türkiyədən polad idxalına çəkdiyi xərci 25 %-dək artırıb

Bu ilin yanvar-oktyabr aylarında Azərbaycan Türkiyədən 107,385 milyon ABŞ dolları dəyərində polad idxal edib.

“Report” xəbər verir ki, bu barədə Türkiyə İxracatçılar Məclisinin (TİM) hesabatında deyilir.

Məlumata görə, bu, ötən ilin eyni dövrü ilə müqayisədə 24,6 % çoxdur.

Təkcə bu ilin oktyabr ayında isə Türkiyə Azərbaycana 10,871 milyon ABŞ dollarlıq polad ixrac edib ki, bu da illik müqayisədə 9,5 % çoxdur.

Bu ilin ilk 10 ayında Türkiyənin ümumi polad ixracının dəyəri illik müqayisədə 2,6 % artaraq 18,435 milyard ABŞ dollarına çatıb, oktyabr ayında isə 38,2 % azalaraq 1,393 milyard ABŞ dollarına enib.