Azərbaycan Türkiyədən ötən il polad idxalına çəkdiyi xərci açıqlayıb

Ötən il Azərbaycan Türkiyədən 109,75 milyon ABŞ dolları dəyərində polad idxal edib.

"Report" Türkiyə İxracatçılar Məclisinə istinadən xəbər verir ki, bu, 2024-cü ilin göstəricisi ilə müqayisədə 8,4 % çoxdur.

Türkiyədən ən çox bu məhsul idxalını Rumıniya 1 milyard 375,056 milyon ABŞ dolları (1 il əvvələ nisbətən 4,4 % çox), İtaliya 1 milyard 126,672 milyon ABŞ dolları (+1,8 %) və Almaniya 744 milyon ABŞ dolları (+5 %) dəyərində həyata keçirib.

Təkcə dekabrda Türkiyə Azərbaycana 10,749 milyon ABŞ dolları dəyərində polad ixrac edib ki, bu da 1 il əvvələ nisbətən 12,9 % çoxdur.

Türkiyənin 2025-ci ildə ayda polad ixracının ümumi dəyəri illik müqayisədə 2,5 % artaraq 16 milyard 542 milyon ABŞ dolları, dekabrda isə 5,3 % artaraq 1 milyard 510 milyon ABŞ dolları olub.