Azərbaycan Portuqaliyadan pendir idxal etməyə başlayıb

Ötən il Azərbaycan 26,32 milyon ABŞ dolları dəyərində 6,7 min ton pendir idxal edib.

“Report”un Dövlət Statistika Komitəsinin məlumatları əsasında apardığı hesablamalarına əsasən, bu, 2022-ci ilin göstəricisindən dəyər ifadəsində 6 %, kəmiyyət olaraq – 8 % çoxdur.

Hesabat dövründə Azərbaycan Litvadan 5,2 milyon ABŞ dolları dəyərində (bir il əvvəlki göstəricidən 36 % çoxdur) 1 min ton (+37 %), İrandan 4,5 milyon ABŞ dolları dəyərində (+41 %) 2 min 416 ton (+46 %), Almaniyadan 3,2 milyon ABŞ dolları dəyərində (-6 %) 597 ton (-9 %), Belarusdan 2,65 milyon ABŞ dolları dəyərində (+4 %) 481 ton (+5,5 %), Türkiyədən 2,6 milyon ABŞ dolları dəyərində (-27 %) 427 ton (-45 %) pendir alıb.

Ötən il son 13 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Portuqaliyadan (8,55 min ABŞ dolları dəyərində 0,41 ton) tədarük həyata keçirilib.

2022-ci ildə Azərbaycana 31 ölkədən idxal edilmiş 25 milyon ABŞ dolları dəyərində pendirin 15,3 %-i Litvanın, 14,2 %-i Türkiyənin, 13,5 %-i Almaniyanın, 12,7 %-i İranın, 10,2 %-i Belarusun payına düşüb.