Azərbaycan İtaliyadan avtobus tədarükünü bərpa edib

Bu ilin yanvar ayında Azərbaycan 5,8 milyon ABŞ dolları dəyərində 71 ədəd avtobus idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2024-cü ilin eyni dövrünün göstəricisindən dəyər ifadəsində 7 dəfə, kəmiyyət olaraq – 3,6 dəfə çoxdur.

Hesabat dövründə Azərbaycan Çindən 3,8 milyon ABŞ dolları dəyərində 50 ədəd (bir il əvvəl tədarük olmayıb), Almaniyadan 821 min ABŞ dolları dəyərində (bir il əvvəlki göstəricidən 1,5 % çoxdur) 2 ədəd (-90 %), Türkiyədən 560 min ABŞ dolları dəyərində 6 ədəd (bir il əvvəl tədarük olmayıb), Özbəkistandan 533 min ABŞ dolları dəyərində 11 ədəd (bir il əvvəl tədarük olmayıb), İtaliyadan 48,1 min ABŞ dolları dəyərində 1 ədəd avtobus alıb.

Azərbaycan 3 il 4 aylıq fasilənin ardından İtaliyadan avtobus tədarükünü bərpa edib.