Bakı 22° C
Azərbaycan iki ölkəyə qarğıdalı yağının satışını kəskin artırıb
- 12 avqust, 2025
- 17:37
Yeniliklərdən dərhal xəbərdar olun!
Bu ilin yanvar-may aylarında Azərbaycan 326,5 min ABŞ dolları dəyərində 170 ton qarğıdalı yağı ixrac edib.
“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrünün göstəricisindən dəyər ifadəsində 72 %, kəmiyyət olaraq – 77 % çoxdur.
Azərbaycan Gürcüstana 274,45 min ABŞ dolları dəyərində (bir il əvvəlki göstəricidən 53 % çox) 144,3 ton (+58 %), Birləşmiş Ərəb Əmirliklərinə 39,35 min ABŞ dolları dəyərində 19,3 ton (bir il əvvəl tədarük olmayıb), Qırğızıstana 5,3 min ABŞ dolları dəyərində (+2,2 dəfə) 2,7 ton (+2,7 dəfə), Qazaxıstana 4 min ABŞ dolları dəyərində (-40 %) 2,2 ton (-36 %) və Belarusa 3,35 min ABŞ dolları dəyərində (+2,8 dəfə) 1,45 ton (+2,6 dəfə) qarğıdalı yağı satıb.
2024-cü ildə Azərbaycandan ixrac edilmiş 385,73 ton qarğıdalı yağının 88 %-i Gürcüstanın payına düşüb.
Müəllif
