Azərbaycan içki idxalına çəkdiyi xərci 12% artırıb

Bu ilin yanvar-iyun aylarında Azərbaycan 6,8 milyon ABŞ dolları dəyərində spirtli və spirtsiz içki ixrac edib.

Dövlət Gömrük Komitəsindən (DGK) "Report"a verilən məlumata görə, bu, ötən ilin eyni dövrü ilə müqayisədə 4% çoxdur.

6 ay ərzində içki ixracından gəlir ixrac gəlirlərinin 0,1%-ni təşkil edib.

Hesabat dövründə Azərbaycan 35,6 milyon dollar dəyərində içki və sirkə də idxal edib. Bu isə 1 il əvvələ nisbətən 11,9% çoxdur.

I yarımildə içki idxalına xərc idxal xərclərinin 0,7%-ni təşkil edib.

Azərbaycanın 6 aylıq ticarət dövriyyəsinin dəyərinin 8,8 milyard dolları ixracın, 5,4 milyard dolları isə idxalın payına düşüb.