Azərbaycan ət idxalını 3 % artırıb

Bu ilin yanvar-iyul aylarında Azərbaycan 24 min 282 ton ət idxal edib.

“Report” Dövlət Gömrük Komitəsinə istinadən xəbər verir ki, bu həcmdə ətin dəyəri 46 milyon 941 min ABŞ dolları təşkil edib.

Bunlar, ötən ilin eyni dövrü ilə müqayisədə həcm baxımından 726 ton ( 3%), dəyər baxımından isə 7 milyon 143 min ABŞ dolları (17,9 %) çoxdur.

Hesabat dövründə ət idxalı Azərbaycanın ümumi idxalının 0,5 %-ini təşkil edir.

Bu ilin yanvar-iyul aylarında diri çəkidə 327 min ton ət istehsal edilib. Bu isə illik müqayisədə 3,1 % çoxdur.