Azərbaycan bu il Türkiyədən mebel və meşə məhsullarının idxalını artırıb

Bu ilin yanvar-oktyabr aylarında Azərbaycan Türkiyədən 122,655 milyon ABŞ dolları dəyərində mebel, kağız və meşə məhsulları idxal edib.

“Report” xəbər verir ki, bu barədə Türkiyə İxracatçılar Məclisinin (TİM) hesabatında deyilir.

Məlumata görə, bu, ötən ilin eyni dövrü ilə müqayisədə 4,3 % çoxdur.

Təkcə bu ilin oktyabr ayında isə Türkiyə Azərbaycana 11,629 milyon ABŞ dollarlıq dəyərində mebel, kağız və meşə məhsulları ixrac edib ki, bu da, illik müqayisədə 10,7 % azdır.

Bu ilin ilk 10 ayında Türkiyənin ümumi mebel, kağız və meşə məhsulları ixracının dəyəri illik müqayisədə 24 % artaraq 6,923 milyard ABŞ dollarına, oktyabr ayında isə 14,8 % artaraq 0,705 milyard ABŞ dollarına çatıb.