Almaniyadan Azərbaycana avtobetonqarışdırıcı tədarükü bərpa edilib

Bu ilin ilk 9 ayında Azərbaycana xaricdən 3,831 milyon ABŞ dolları dəyərində 50 ədəd avtobetonqarışdırıcı gətirilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrü ilə müqayisədə dəyər ifadəsində 3 dəfə, kəmiyyət olaraq – 2,4 dəfə çoxdur.

Türkiyədən 2,555 milyon ABŞ dolları dəyərində (bir il əvvəlki göstəricidən 57 dəfə çoxdur) 26 ədəd (+26 dəfə), Çindən 1,266 milyon ABŞ dolları dəyərində (+4,5 %) 23 ədəd (+15 %) və Almaniyadan 11 min ABŞ dolları dəyərində 1 ədəd nəqliyyat vasitəsi alınıb.

Dörd il 4 aylıq fasilənin ardından Almaniyadan tədarük bərpa edilib.