Cəlilabadda üzüm yığımı davam edir, məhsulun qiyməti iki dəfə ucuzlaşıb 

Cəlilabad rayonunda üzüm bağlarından məhsul yığımı davam edir, məhsulun qiyməti kəskin ucuzlaşıb.

"Report"un Muğan bürosunun məlumatına görə, hal-hazırda rayonda 1 410 hektar üzüm bağı var. Ondan 1 375 hektarı bar verən bağdır.

Bu günə qədər bağlardan 7 600 ton məhsul əldə olunub. Əldə olunan məhsulun 248 tonu Rusiya bazarlarına ixrac olunub.

Fermerlərin sözlərinə görə, yığımın əvvəlində məhsulun qiyməti növündən asılı olaraq bir kiloqramı 1-1.50 manat arasında dəyişib. Lakin indi məhsulun qiyməti 0.60-0.70 qəpiyə qədər ucuzlaşıb.