Azərbaycanın idxal etdiyi süd 19% ucuzlaşıb

Bu ilin yanvar-noyabr ayları ərzində Azərbaycan 9 856 ton litr süd idxal edib.

“Report” Dövlət Gömrük Komitəsinə istinadən xəbər verir ki, bu həcmdə südün dəyəri təxminən 13 milyon ABŞ dolları təşkil edir.

Bunlar da ötən ilin eyni dövrü ilə müqayisədə müvafiq olaraq 855 ton (9,4 %) çox və 1,5 milyon ABŞ dolları ( 10,3 % ) azdır.

Beləliklə, 2021-ci ilin 11 ayında Azərbaycanın idxal etdiyi südün 1 tonu ötən ilin eyni dövrü ilə müqayisədə təxminən 19% az - 1,3 milyon dollar olub.

Hesabat dövründə süd idxalına çəkilən xərc Azərbaycanın ümumi idxal xərclərinin 0,1 %-ini təşkil edib.