Azərbaycandan Qətərə qarğıdalı yağı ixracı bərpa edilib

Ötən il ərzində Azərbaycan xaricdən 35,9 milyon ABŞ dolları dəyərində 17 min 364 ton qarğıdalı yağı alıb.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2021-ci ilin göstəricisi ilə müqayisədə dəyər ifadəsində 0,1 % çoxdur, kəmiyyət olaraq – 15 % azdır.

Türkiyədən Azərbaycana 15,73 milyon ABŞ dolları dəyərində (bir il əvvəlki göstərici ilə müqayisədə 5 dəfə çoxdur) 8 min 128 ton (+5,2 dəfə), Argentinadan 13,9 milyon ABŞ dolları dəyərində (-30 %) 6 min 474 ton (-46 %), Rusiyadan 5,74 milyon ABŞ dolları dəyərində (+60 %) 2 min 572 ton (+42 %), İtaliyadan 448 min ABŞ dolları dəyərində (-1,5 %) 154,5 ton (-15 %), Gürcüstandan 64,32 min ABŞ dolları dəyərində (+43 dəfə) 22,7 ton (+38 dəfə) məhsul gətirilib.

Hesabat dövründə Azərbaycandan 1,391 milyon ABŞ dolları dəyərində (+4 %) 509 ton (-26 %) qarğıdalı yağı ixrac edilib.

Gürcüstana 1,344 milyon ABŞ dolları dəyərində (+3,3 %) 489 ton (-26 %), Pakistana 27,3 min ABŞ dolları dəyərində 12,23 ton (ilk dəfə tədarük olub), Qazaxıstana 18,93 min ABŞ dolları dəyərində (-30 %) 7,3 ton (-45,4 %), Belarusa 1 min ABŞ dolları dəyərində (-69 %) 0,44 ton (-74 %) və Qətərə 0,87 min ABŞ dolları dəyərində 0,18 ton qarğıdalı yağı göndərilib.

Beş il 3 aylıq fasilənin ardından Qətərə tədarük bərpa edilib.