Azərbaycanda şəkər sahəsinə daha çox subsidiya ayrılması təklif olunur

Azərbaycanda şəkər sahəsinə daha çox subsidiyalar ayrılmalıdır.

"Report" xəbər verir ki, bunu "Azərsun Holding"in baş direktoru Savaş Uzan Bakı İqlim Fəaliyyəti Həftəsinin (BCAW2025) üçüncü günü çərçivəsində keçirilən "İqlimədavamlı Aqrobiznes: Strategiya, İnvestisiya və Siyasətin Uyğumlaşdırılması" mövzusunda dəyirmi masada çıxışı zamanı deyib.

Onun sözlərinə görə, Azərbaycanın şəkər ixracı bu gün qeyri-neft-qaz ixracı arasında üçüncü yerdədir: "Birinci yerdə isə pomidor, ikinci yerdə pambıq ixracı dayanır".

O əlavə edib ki, şəkər ixracı ölkəyə valyuta gətirir: "Hesab edirəm ki, bu sahəyə daha çox subsidiyalar ayrılmalıdır, yəni gəlirliliyə və məhsuldarlığa daha çox önəm verilməlidir".