Azərbaycanda idxal əti 19% bahalaşıb

Bakı. 12 iyun. REPORT.AZ/ Bu ilin yanvar-may ayları ərzində Azərbaycana 29,447 mln. ABŞ dolları dəyərində 19 965 ton ət idxal olunub. Yəni, idxal olunan 1 kq ətin orta qiyməti 1,48 dollar təşkil edib.

"Report" bu barədə Dövlət Gömrük Komitəsinin hesabatına istinadən xəbər verir.

2016-cı ilin müvafiq dövründə isə ölkəyə 10,106 mln. dollar dəyərində 8 132 ton ət idxalı həyata keçirilib. Bu isə həmin müddətdə 1 kq üçün orta qiymətin 1,24 dollar olması deməkdir. Beləliklə, idxal ətin qiymətində illik 19,4% artım müşahidə olunub.

Qeyd edək ki, 2017-ci ilin ilk beş ayında ölkəyə cəmi idxalın 1,05%-ni ət təşkil edib.