Yalçın Rəfiyev iqlim fəaliyyətini irəli aparmaqdan bəhs edib

Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının (UNFCCC) dördüncü İqlim Həftəsi və paralel olaraq Bakı İqlim Fəaliyyəti Həftəsi çərçivəsində Azərbaycanla Braziliya, Türkiyə və Avstraliya arasında müzakirələr aparılıb.

"Report" xəbər verir ki, bu barədə Azərbaycanın xarici işlər nazirinin müavini Yalçın Rəfiyev "X" sosial şəbəkə hesabında məlumat paylaşıb.

"Bakıda 4-cü BMT İqlim Həftəsi ərzində COP29 Azərbaycan Sədrliyinin, COP30 Braziliya Sədrliyinin, gələcək COP31 Türkiyə Sədrliyinin və Danışıqlar üzrə COP31 Avstraliya Sədrliyinin nümayəndələri tərəqqini müzakirə etmək, Sədrliyin rəhbərlik etdiyi əsas mandatlar və təşəbbüslər üzrə davamlılığı təmin etmək üçün bir araya gəliblər - o cümlədən 1.5 üçün Belem Missiyası", - o yazıb.

Y. Rəfiyev bildirib ki, dinamikanı bir COP-dan növbətisinə ötürməklə müzakirə edilmiş nəticələri icraya çevirmək və iqlim fəaliyyətini irəli aparmaq olur.

Xatırladaq ki, İqlim Həftəsi çərçivəsində 68 tədbir təşkil olunub, 140-dan çox ölkədən 2 700-dək nümayəndə iştirak üçün qeydiyyatdan keçib.

During UN Climate Week 4 in Baku, representatives of the #COP29 Azerbaijani Presidency🇦🇿, #COP30 Brazilian Presidency🇧🇷, incoming #COP31 Turkish🇹🇷 Presidency & COP31 Australian🇦🇺 Presidency of Negotiations came together to discuss progress & ensure continuity across key… pic.twitter.com/h6KaJfCV4V

— Yalchin Rafiyev (@YalchinRafiyev) September 13, 2026