Valeria Fedeli: Elm və praktika şəhər inkişafı siyasətini birgə formalaşdırmalıdır

Müasir aqlomerasiyaların problemlərinin həlli üçün elm, praktika və şəhər idarəçiliyi arasında yeni əməkdaşlıq formaları zəruridir.

"Report"un məlumatına görə, bunu Milano Politexnik Universitetinin professoru Valeria Fedeli WUF13 çərçivəsində aparılan müzakirələrdə bəyan edib.

Onun sözlərinə görə, universitetlər və tədqiqat mərkəzləri siyasətin formalaşdırılmasında daha fəal iştirak etməli, tədqiqatların, ekspertizanın və şəhər idarəçiliyi praktikasının birləşdiyi məkan yaratmalıdırlar.

"Son illərdə şəhərlər və elmi ictimaiyyət arasında daha sıx əlaqənin zəruriliyi daha çox dərk edilir - xüsusilə də mənzil siyasəti və aqlomerasiyaların idarə edilməsi məsələlərində. Bununla yanaşı, mövcud şəhər idarəçiliyi modelləri iri aqlomerasiyaların miqyasına və çağırışlarına kifayət qədər uyğunlaşdırılmayıb", - Fedeli bildirib.

O qeyd edib ki, klassik şəhər idarəçilik strukturlarının aqlomerasiya səviyyəsində tətbiqi cəhdləri institusional zəifliyin aradan qaldırılmasına deyil, onun artmasına gətirib çıxarır.

Onun sözlərinə görə, iri şəhər aqlomerasiyaları onların daimi inkişafını nəzərə alan daha çevik, dinamik və innovativ idarəçilik modelləri tələb edir.