UN-Habitat: Su müasir şəhər planlaşdırmasının əsasını təşkil edir

Su müasir şəhər planlaşdırmasının əsas elementlərindən biri kimi nəzərdən keçirilməlidir.

"Report" xəbər verir ki, bunu UN-Habitat-ın Braziliya ofisinin rəhbəri Reyn Ferretti WUF13 çərçivəsindəki tədbird bəyan edib.

Onun sözlərinə görə, su mərkəzli modellər müasir urbanistikada getdikcə daha vacib əhəmiyyət kəsb edir.

"Bu gün biz artıq planlaşdıra bilmirik - əslində, biz heç vaxt həqiqi mənada planlaşdırmağı bacarmamışıq, - lakin xüsusilə Braziliyada və Latın Amerikasında şəhərlərimizin böyük hissəsi nə su, nə yol, nə də insanlar baxımından planlaşdırılmayıb. Yəni su əvvəlcədən planlaşdırmanın bir hissəsi olmayıb. İndi biz getdikcə daha aydın şəkildə dərk edirik ki, su əsas element, şəhər planlaşdırmasının həqiqi sütunudur", - Ferretti qeyd edib.

O vurğulayıb ki, Braziliyada insan tələfatı ilə nəticələnən böyük təbii fəlakətlərin əksəriyyəti məhz su hadisələri ilə bağlıdır.

UN-Habitat nümayəndəsinin sözlərinə görə, bu, şəhər mühitinin inkişafı zamanı su ehtiyatlarının nəzərə alınması zərurətini nümayiş etdirir.

"Su ehtiyatlarını nəzərə almadan plan tərtib etmək səhvdir. Üstəlik, uzun müddət Braziliyada memarlar və urbanistlər çayları "bağlamağa" çalışıblar: bəzən küçə ilə gedirsən və ayağının altında suyun axdığını belə bilmirsən", - o əlavə edib