ABŞ Səfirliyində Novruz bayramı qeyd edilib

“Dünya azərbaycanlılarının Novruz bayramını qeyd etdikləri zamanda, ABŞ Səfirliyinin icması da bayram yeməklərinin dadına baxmaq, musiqidən həzz almaq, ötən ilin çətinlikləri haqqında düşünmək və gələcəyə dair niyyətlərini müəyyən etmək üçün bir araya gəlib”.

Bu barədə “Report”a ABŞ-ın Azərbaycandakı Səfirliyindən bildirilib.

“Bu il hər iki ölkə üçün çox əlamətdardır, çünki ABŞ və Azərbaycan diplomatik münasibətlərin 30 lliyini qeyd edirlər. Dünyada yeni çağırışlara baxmayaraq, Novruzun zəngin mədəni ənənələri bizə daha yaxşı dünya qurmaq üçün birgə öhdəliyimizi xatırladır. Novruz Bayramınız mübarək!”, - səfirlikdən bildirilib.