Səfir: "Ukrayna Azərbaycanı strateji tərəfdaş kimi görür"

Bakı. 21 fevral. REPORT.AZ/ "Ukrayna Azərbaycanı strateji tərəfdaş kimi görür".

"Report" xəbər verir ki, bunu Ukraynanın Azərbaycandakı səfiri Aleksandr Mişenko iki ölkə arasında diplomatik əlaqələrin qurulmasının 25 illiyinə həsr olunmuş tədbirdə deyib.

"Azərbaycanla Ukrayna arasındakı münasibətlər yüksək səviyyədədir. Rəsmi Kiyev Bakını strateji tərəfdaş kimi görür", - deyə A.Mişenko bildirib.

Onun sözlərinə görə, ölkələr müxtəlif istiqamətlər üzrə, o cümlədən humanitar sahədə əlaqələri inkişaf etdirir.

"Bu gün Ukraynada 6 min azərbaycanlı tələbə təhsil alır", - deyə o vurğulayıb.

Səfir Ukrayna, həmçinin azərbaycanlı tələbələr üçün, keyfiyyətli təhsil almaq üçün hər cür şərait yaradıldığını əlavə edib.