Rossbax: Azərbaycan WUF13-də dayanıqlılıq və işə son dərəcə sadiqlik nümayiş etdirib

Azərbaycan dayanıqlılıq, baxış və işə son dərəcə sadiqlik nümayiş etdirib.

"Report" xəbər verir ki, bu barədə BMT-nin Məskunlaşma Proqramının (UN-Habitat) icraçı direktoru Anaklaudia Rossbax Bakıda WUF13-ün bağlanış mərasimində bildirib.

"Azərbaycan dayanıqlılıq, uzaqgörənlik və işə son dərəcə sadiqlik nümayiş etdirib. Siz dünyaya təkcə qurmaq bacarığını deyil, həm də bərpa və transformasiya etmək bacarığını göstərdiniz", - o qeyd edib.

Onun sözlərinə görə, mənzil bazarları insanların ehtiyaclarını ödəməyin öhdəsindən gələ bilmir:

"Milyardlarla insan qeyri-adekvat, təhlükəli və qiymət baxımından əlçatmaz yaşayış şəraitində qalır. Şəhərlərin inkişafı üzrə yeni proqramın icra dövründən bəhs etdiyimiz bir vaxtda, Bakıdan gələn mesaj aydın səslənir: növbəti onillik sürətləndirilmiş icra, nəticələrin miqyasının genişləndirilməsi və insanların həyatına nəzərəçarpacaq təsirlə müəyyən olunmalıdır. Bizə insanyönümlü şəhər inkişafına əsaslanan kollektiv fəaliyyət lazımdır".