MSK sədri: “Özbəkistanda 10 784 seçki məntəqəsi yaradılıb”

“Özbəkistanda növbədənkənar prezident seçkilərinin keçirilməsi üçün 10 784 seçki məntəqəsi yaradılıb”.

“Report”un Daşkəndə ezam olunmuş müxbiri xəbər verir ki, bunu Özbəkistan Mərkəzi Seçki Komissiyasının (MSK) sədri Zayniddin Nizamxocayev mətbuat konfransında deyib.

O, Özbəkistanın xarici ölkələrdə yerləşən diplomatik və konsulluq xidmətlərində 56 seçki məntəqəsinin yaradıldığını əlavə edib.

Qeyd edək ki, iyulun 9-da Özbəkistanda növbədənkənar prezident seçkiləri keçiriləcək.