İtaliya Cənubi Qafqaz üçün Vaşinqton sammitinin nəticələrini müsbət qiymətləndirib

Ötən il avqustun 8-də Azərbaycan, ABŞ və Ermənistan liderlərinin iştirakı ilə keçirilən Vaşinqton sammiti Cənubi Qafqazdakı vəziyyətə müsbət təsir göstərib.

"Report"un məlumatına görə, bu barədə İtaliyanın xarici işlər və beynəlxalq əməkdaşlıq nazirinin müavini Edmondo Çirielli Bakıda keçirilən İtaliya-Azərbaycan Hökumətlərarası Komissiyasının altıncı iclasında bəyan edib.

"Avqustun 8-də Vaşinqtonda ABŞ Prezidenti Donald Trampın sayəsində əhəmiyyətli bir hadisə baş verdi, bu həqiqətən, tarixi miqyaslı hadisədir. Hesab edirik ki, yeni vəziyyət bir çox perspektivlər açacaq. İstərdik ki, Cənubi Qafqazda olduğu kimi, bütün dünyada sülh hökm sürsün", - o qeyd edib.