Qoruqları İdarəetmə Mərkəzi qolf maşınları alacaq

Dövlət Turizm Agentliyinin Qoruqları İdarəetmə Mərkəzi idarəçiliyində olan qoruqlar üçün qolf maşınlarının satın alınması açıq tender elan edib.

Bu barədə "Report"a qurumdan bildirilib.

Məlumata görə, qolf maşınları Bakının Qaradağ rayonunun Qobustan qəsəbəsindəki "Palçıq vulkanları" və Tərtər rayonunun Suqovuşan qəsəbəsindəki eyni adlı turizm kompeskləri üçün nəzərdə tutulub.

"Həmin komplekslərin ərazisi böyük olduğu üçün oralarda turistlərin gəzintisi üçün qolf maşınlarından istifadə olunacaq", - deyə məlumatda qeyd olunub.