Kubanın bəzi adaları əcnəbi turistlər üçün açılır

Kuba hökuməti iyulun 1-dən ölkənin şimalda və cənub-şərqdə yerləşən beş mərcan adasını əcnəbi turistlər üçün açmaq qərarına gəlib.

“Report” xəbər verir ki, bu barədə Mədəniyyət Nazirliyinin açıqlamasında bildirilir.

Çərşənbə günü turizm naziri Xuan Karlos Qarsia tərəfindən açıqlanan plana əsasən, “yeni şəraitə” keçid dövrünün hazırkı ikinci mərhələsində əcnəbi turistlər yerləşdirildiyi adadan kənara çıxa bilməyəcəklər. Əcnəbi turistlərin ölkə boyu hərəkət etməsinə isə üçüncü mərhələdə yol veriləcək.

Səhiyyə Nazirliyinin son məlumatına görə, Kubada COVID-19 virusuna təsdiqlənmiş yoluxma hallarının sayı 2 295-dir. O cümlədən 85 nəfər ölüb, 2 020 nəfər də sağalıb.