Azərbaycandan turist axını 1 %-ə yaxın azalıb

Bu ilin I yarısında xarici ölkələrə gedən Azərbaycan vətəndaşlarının ümumi sayı ötən ilin eyni dövrü ilə müqayisədə 0,7 % azalaraq 988,2 min nəfər olub.

"Report" Dövlət Statistika Komitəsinə istinadən xəbər verir ki, ölkə vətəndaşlarının 38,1 %-i Türkiyəyə, 16,7 %-i Rusiya, 11,1 %-i Gürcüstana, 10 %-i İrana, 24,1 %-i digər ölkələrə səfər edib. Gedənlərin 66 %-ni kişilər, 34 %-ni qadınlar təşkil edib.

1 il əvvələ nisbətən İrana gedən Azərbaycan vətəndaşlarının sayı 14,2 %, Gürcüstana gedənlərin sayı 25,3 % artıb, Türkiyəyə gedənlərin sayı 4,3 5, Rusiyaya gedənlərin sayı isə 24,6 % azalıb.

Xarici ölkələrə səfər edən Azərbaycan vətəndaşlarının 68,6 %-i hava, 29,3 %-i dəmir yolu və avtomobil, 2,1 %-i isə dəniz nəqliyyatından istifadə edib.