Muzey Mərkəzi (Bakı) — Azərbaycanın paytaxtının mərkəzində, dənizkənarı bulvarın yaxınlığında yerləşən, ölkənin ən mühüm mədəniyyət, incəsənət və sərgi mərkəzlərindən biri olaraq, müasir incəsənətin inkişafında, tarixi-mədəni irsin təbliğində və beynəlxalq səviyyəli sərgilərin təşkilində müstəsna rol oynayan möhtəşəm kompleksdir. Memarlıq baxımından orijinal və əzəmətli üsluba malik olan bu mərkəz əvvəllər Lenin Muzeyinin Bakı filialı kimi fəaliyyət göstərmiş, sonradan isə Azərbaycan Respublikası Mədəniyyət Nazirliyinin tabeliyinə verilərək respublikanın aparıcı muzey və sərgi məkanına çevrilmişdir. Mərkəzin geniş ekspozisiya salonları, konfrans və konsert zolları yerli və xarici rəssamların, heykəltəraşların, fotoqrafların fərdi və qrup sərgilərinə, eləcə də mötəşəm beynəlxalq simpoziumlara, modalar sərgilərinə, təqdimat mərasimlərinə və mədəniyyət layihələrinə evsahibliyi edir. Burada nümayiş etdirilən müxtəlif tədbirlər və incəsənət nümunələri Bakı sakinlərinin və şəhərimizin qonaqlarının estetik zövqünün formalaşmasına, ölkənin zəngin mədəni həyatının canlanmasına mühüm töhfə verir.
Tarixi və ictimai əhəmiyyəti baxımından Muzey Mərkəzi sadəcə sərgi məkanı deyil, həm də paytaxtın intellektual və bədii mühitini birləşdirən qlobal platformadır. Kompleksin tərkibində fəaliyyət göstərən Azərbaycan İstiqlal Muzeyi və digər tematik sərgilər ölkəmizin qədim və yeni tarixini, mübarizə salnaməsini, eləcə də milli-mənəvi dəyərlərini ziyarətçilərə geniş şəkildə təqdim edir. Müasir işıqlandırma, akustika və ekspozisiya sistemləri ilə təchiz olunmuş salonlar ən yüksək beynəlxalq standartlara cavab verir ki, bu da dünyanın müxtəlif ölkələrindən gələn nüfuzlu muzeylərin və kolleksiyaçıların öz layihələrini burada reallaşdırmasına geniş imkan yaradır. Dövlət səviyyəsində mədəniyyət siyasətinin həyata keçirilməsində yaxından iştirak edən Muzey Mərkəzi milli incəsənətimizin dünya miqyasında tanıdılması, gənc istedadların dəstəklənməsi və ölkələrarası mədəni əlaqələrin gücləndirilməsi istiqamətində fəaliyyətini uğurla davam etdirir.
Bakı 20° C
