Bu il Azərbaycanda 836 əkiz, 18 üçəm doğulub

Bakı. 16 iyun. REPORT.AZ/ Bu ilin ilk dörd ayı ərzində Ədliyyə Nazirliyinin rayon (şəhər) qeydiyyat şöbələri tərəfindən ölkə üzrə 46996 doğulan körpə qeydə alınıb.

Dövlət Statistika Komitəsindən "Report"a verilən məlumata görə, bu göstərici əhalinin hər 1000 nəfərinə 14,7 təşkil edib.

Doğulan körpələrin 52,8 faizi oğlan, 47,2 faizi isə qız uşaqlarıdır. Körpələrdən 836-sı əkiz, 18-i üçəm doğulanlardır.