Bu il Naxçıvan iqtisadiyyatı 0,7 % böyüyüb

Bu ilin yanvar-aprel ayları ərzində Naxçıvan MR-də 758,8 milyon manat dəyərində ümumi daxili məhsul (ÜDM) istehsal olunub.

“Report” yerli Dövlət Statistika Komitəsinə istinadən xəbər verir ki, bu, ötən ilin eyni dövrünə nisbətən 0,7 % çoxdur.

Son 1 ildə muxtar respublikada adambaşına düşən ÜDM-in dəyəri isə 1,7 % artaraq 1 643,2 manat olub.

Dörd aylıq ÜDM-in 344,8 milyon manatlıq hissəsi sənaye məhsulu olub. Bu, illik müqayisədə 1,1 % çoxdur.

Hesabat dövründə bölgədə istehsal olunmuş kənd təsərrüfatı məhsullarının ümumi dəyəri isə 3,3 % artaraq 44 milyon 297,5 min manat təşkil edib.