Azərbaycanda 4 ayda kolbasa istehsalı 15 %- dən çox artıb

Bu ilin yanvar-aprel aylarında Azərbaycanda 10 min 888,2 ton kolbasa məmulatları istehsal edilib.

"Report" Dövlət Statistika Komitəsinə istinadən xəbər verir ki, bu, 2025-ci ilin göstəricisi ilə müqayisədə 15,4 % çoxdur.

Bu ilin mayın 1-nə ölkədə 26,6 ton hazır məhsul ehtiyatı yaranıb ki, bu da bir il öncəki göstəriciyə nisbətən 42,7 % azdır.

Hesabat dövründə Azərbaycanda 1 milyard 818,7 milyon manatlıq qida məhsulları istehsal edilib ki, bu da illik müqayisədə 9,3 % çoxdur.