Azərbaycan pambıq parça istehsalını 18 % artırıb

Bu ilin yanvar-avqust aylarında Azərbaycanda 20 milyon 107 min kvadratmetr pambıq parça istehsal edilib.

"Report" Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 17,9 % çoxdur.

Sentyabrın 1-nə ölkədə 192,7 min kvadratmetr hazır məhsul ehtiyatı olub.

2024-cü ildə Azərbaycanda 30 milyon 706 min kvadratmetr pambıq parça istehsal edilib ki, bu da 2023-cü illə müqayisədə 7,2 % çoxdur.