Qaxda dezinfeksiya işləri aparılıb

Sağlamlıq

12 avqust, 2021
06:49

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Son günlər COVID-19 virusuna yoluxma hallarının artması səbəbilə infeksiyanın geniş yayılmasının qarşısının alınması üçün Qaxda genişmiqyaslı dezinfeksiya işləri aparılıb.

"Report"un Şimal-qərb bürosunun məlumatına görə, dezinfeksiya işləri şəhərin əsas küçə və prospektlərini, parklarını, çoxmənzilli yaşayış binalarını, avtovağzal ərazisini və insanların sıx hərəkət etdiyi səkiləri əhatə edib.

Ərazilər texnikalar vasitəsilə xüsusi dezinfeksiyaedici məhlulla yuyulub.

Qeyd edək ki, dezinfeksiya işləri səhər saatlarında yollarda hərəkətin daha az olduğu vaxtlarda aparılıb.

Qax Rayon İcra Hakimiyyətindən "Report"un yerli bürosuna bildirilib ki, görülən işlər əhalinin sağlamlığının qorunması məqsədini daşıyır.