FHN: "Müharibədən zərər görmüş 1800 nəfərə psixoloji yardım göstərilib"

"Bu günədək müharibədən zərər görmüş 1 800-dək qazi, şəhid ailələri və terrordan zərər çəkmiş şəxslər qəbul ediliblər".

"Report" xəbər verir ki, bunu Vətən Müharibəsi nəticəsində psixoloji problemlər yaşayan vətəndaşlara yardım məqsədilə Türkiyədən dəvət edilmiş psixoloqların Fövqəladə Hallar Nazirliyində keçirdiyi mətbuat konfransında nazirliyin Tibbi və Psixoloji Yardımın Təşkili şöbəsinin rəisi, tibb xidməti mayoru Xanım Sofiyeva bildirib.

Onun sözlərinə görə, ümumilikdə 400-dən çox psixoterapevtiv seans həyata keçirilib.

Sabahdan, yəni iyulun 13-dən etibarən Sumqayıt şəhərində yaşayan qazi, şəhid ailələri və terrordan zərər çəkmiş şəxslər qəbuluna başlanılacaq.