Bakı 20° C
Azərbaycana gətirilən Çin mənşəli 4 qida məhsulunda uyğunsuzluq aşkarlanıb
- 24 avqust, 2026
- 16:30
Yeniliklərdən dərhal xəbərdar olun!
Azərbaycana idxal olunan qida məhsullarına fiziki nəzarət zamanı Çin mənşəli 4 məhsulda uyğunsuzluq aşkarlanıb.
"Report" xəbər verir ki, bu barədə Azərbaycan Qida Təhlükəsizliyi Agentliyi (AQTA) məlumat yayıb.
Qeyd olunub ki, nəzarət tədbirləri çərçivəsində AQTA məhsul partiyalarından nümunələr götürərək laborator müayinələrə cəlb edib. Aparılan müayinələr nəticəsində yaşıl çayda pestisid qalığı, əriştədə və çörək qırıntılarında kif və maya göbələkləri müəyyən olunub.
Uyğunsuzluq aşkarlanan məhsullardan 3-ü Çindən, "Şam-Fi İnterneşnl Tredinq Kompani" MMC-nin idxal etdiyi əriştə məhsulu isə Rusiyadan gətirilərkən yoxlamalara cəlb edilib.
Faktla bağlı qanunvericiliyə uyğun tədbirlər görülüb, məhsul partiyalarının ölkə ərazisində dövriyyəyə buraxılmasının qarşısı alınıb.
Aşkarlanan uyğunsuzluqlar aşağıdakılardır:
| № | İdxalçı şirkət | İstehsalçı şirkət | Məhsulun adı | Aşkarlanmış uyğunsuzluq | Məhsulun istehsal və son istifadə tarixi |
| 1 | "Herba Flora" MMC | Zhejiang Chunli Tea Co., LTD | yaşıl çay | Pestisid qalığı (Dinotefuran) | 01.09.2025 - 01.09.2028 |
| 2 | Feng Jiang | Chen Keming Food Co., LTD | əriştə | Kif və maya göbələkləri | 17.12.2025 - 17.12.2027 |
| 3 | "Premium Food Baku" MMC | Yantai Yuji Foodstuff Co., LTD | panko çörək qırıntıları | Kif və maya göbələkləri | 06.01.2026 - 05.01.2028 |
| 4 | "Şam-Fi İnterneşnl Tredinq Kompani" MMC | Tianjn Xingda Heping Food Co., LTD | əriştə | Kif və maya göbələkləri | 09.11.2025 - 09.11.2027 |
