“AstraZeneca” peyvəndi sınaqlarda 70% effektiv olub

Britaniya-İsveç əczaçılıq şirkəti “AstraZeneca”nın koronavirusa qarşı hazırladığı peyvəndin testlərin nəticələrinə görə orta effektivliyi 70% olub.

“Report” TASS-a istinadən xəbər verir ki, bu barədə BBC məlumat yayıb.

Böyük Britaniya hökuməti bu istehsalçıdan 50 milyon insana peyvənd vurmaq üçün yetərli olan 100 milyon doza həcmində ilkin sifariş edib.

Ümumdünya Səhiyyə Təşkilatının məlumatına görə, hazırda dünyada koronavirusa qarşı peyvənd hazırlamaq üçün, təxminən, 170 layihə var.