7 sahibkarlıq subyektinin qida təhlükəsizliyi qeydiyyatına alınmasından imtina olunub

Sağlamlıq

28 yanvar, 2021
13:24

7 sahibkarlıq subyektinin qida təhlükəsizliyi qeydiyyatına alınmasından imtina olunub

“Yeyinti məhsulları haqqında” Azərbaycan Respublikası Qanununun 7-ci maddəsinə əsasən, 26-27 yanvar 2021-ci il tarixlərində qida məhsulları sahəsində fəaliyyət göstərən 47 sahibkarlıq subyekti qida təhlükəsizliyi qeydiyyatına alınıb.

Bu barədə "Report"a Qida Təhlükəsizliyi Agentliyindən məlumat verilib.

Bildirilib ki, həmin tarixdə 7 sahibkarlıq subyektində aparılmış təftiş və ekspertiza nəticəsində aşkarlanmış nöqsanlar əsasında həmin subyektlərin qida təhlükəsizliyi qeydiyyatına alınmasından imtina olunub.

Qida təhlükəsizliyi qeydiyyatına alınmasından imtina olunan subyektlər bunlardır:

S/S	Subyektin adı	Fəaliyyət istiqaməti	İmtina səbəbi
1	"MCDONALD`S AZƏRBAYCAN" QSC-nin restoranlarından biri	İctimai iaşə	Sahibkar fəaliyyətə başlamamışdır.
2	Ələsgərov Nasil Pirverdi oğlu	Emal	Müvafiq sanitar norma və qaydaların tələblərinə uyğun deyil.
3	Nəhmətova Hökümə Burhan qızı	Pərakəndə satış	Sahibkar tərəfindən dövlət rüsumu ödənilməmişdir.
4	Quliyev Hafiz Böyükağa oğlu	Pərakəndə satış	Sahibkar tərəfindən dövlət rüsumu ödənilməmişdir.
5	Hüseynov Novruz Əli oğlu	Pərakəndə satış	Müvafiq sanitar norma və qaydaların tələblərinə uyğun deyil.
6	Məmmədov Vahid Xamməd oğlu	Pərakəndə satış	Sahibkar tərəfindən dövlət rüsumu ödənilməmişdir.
7	Əzimov Şəfahət Əliş oğlu	Pərakəndə satış	Sahibkar tərəfindən dövlət rüsumu ödənilməmişdir.

Agentlik bir daha qida sahəsində fəaliyyət göstərən sahibkarlıq subyektlərini qida təhlükəsizliyi qeydiyyatından keçməyə və öz fəaliyyətlərini qanunvericiliyin tələbləri çərçivəsində həyata keçirməyə çağırır.