Yerevanda müxalifət yürüş keçirir

Region

23 fevral, 2021
16:16

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Ermənistan baş naziri Nikol Paşinyanın istefası tələbi ilə müxalifət Yerevan şəhərinin mərkəzində yürüşə başlayıb.

“Report” “RİA Novosti”yə istinadən xəbər verir ki, metronun “Respublika meydanı” stansiyası qarşısından hərəkət edən yürüş iştirakçıları Ermənistan Polisi və Milli Təhlükəsizlik Xidmətinin binasına doğru irəliləyərək “Nikolsuz Ermənistan” şüarını səsləndirirlər.

Aksiyanın təşkilatçılarından olan Daşnaksütyun Partiyasının nümayəndəsi İşxan Sağatelyan polisi baş nazirin göstərişlərini yerinə yetirməməyə çağırıb: “Nikol Paşinyanın polisə arxalanaraq ölkədə diktatura qurmasına yol verməyəcəyik”.

Bundan əvvəl paytaxtın mərkəzində etiraz aksiyası keçirən 57 müxalifətçi saxlanılıb.