Xandanyan: KTMT-də iştirakımızı aktivləşdirməyə məcbur edə biləcək heç bir səbəb yoxdur

Ermənistan artıq bir neçə ildir ki, Kollektiv Təhlükəsizlik Müqaviləsi Təşkilatında (KTMT) iştirakını dondurub və yaranmış vəziyyətdən çıxış yolu görmür.

"Report" Ermənistan mediasına istinadən xəbər verir ki, bu barədə "Vətəndaş müqaviləsi" fraksiyasının deputatı Sarkis Xandanyan Rusiya xarici işlər nazirinin müavini Mixail Qaluzinin Ermənistanın KTMT-də səsvermə hüququndan məhrum edilməsi məsələsinin təşkilatın noyabrın 11-də keçiriləcək sammitində müzakirə oluna biləcəyi ilə bağlı bəyanatını şərh edərkən brifinq zamanı bildirib.

"Bizi KTMT-də iştirakımızı aktivləşdirməyə məcbur edə biləcək heç bir səbəb və ya hal yoxdur. Siz bilirsiniz ki, Ermənistan hansı problemlərə görə öz iştirakını dondurub və bu problemlər hələ də həll olunmayıb", - o deyib.