Vladimir Putin Rəcəb Tayyib Ərdoğanı təbrik edib

Rusiya Prezidenti Vladimir Putin Türkiyənin dövlət başçısı Rəcəb Tayyib Ərdoğana Yeni il bayramı münasibətilə təbrik məktubu göndərib.

“Report” TASS-a istinadən xəbər verir ki, bu barədə Kremldən bildirilib.

V.Putin məktubunda Rusiya ilə Türkiyənin bundan sonra da birlikdə hərəkət edərək ikitərəfli əməkdaşlığı genişləndirəcəklərinə inamını ifadə edib.

Rusiya lideri, həmçinin 2022-ci ildə Moskva və Ankaranın bir çox sahələrdə ikitərəfli əməkdaşlığı inkişaf etdirdiyini xatırladıb.

O bildirib ki, tərəflər arasında bir sıra layihələr uğurla həyata keçirilib.

V.Putin məktubunda yazıb ki, Türkiyə və Rusiya arasında əməkdaşlığın inkişafı Avrasiyada sabitlik və təhlükəsizliyi gücləndirəcək.