Ukrayna Prezidenti: Rusiyanın hücumları nəticəsində 6 nəfər ölüb

Ukraynada Rusiya Silahlı Qüvvələrinin hücumları nəticəsində 6 nəfər ölüb.

"Report" xəbər verir ki, bu barədə Ukrayna Prezidenti Volodimir Zelenski sosial şəbəkələrdə məlumat verib.

Ukrayna Prezidenti bildirib ki, onlardan 2-si uşaqdır.

Onun sözlərinə görə, 17 nəfər xəsarət alıb.

"Hücumlara adi şəhərlər, əsasən enerji sistemimiz məruz qalıb. Lakin yaşayış evlərinə də çoxsaylı zərbələr endirilib. Zaporojyedə yanğınlar baş verib, Kiyevdə evlərə zərbələr endirilib. Kiyev, Odessa, Çerniqov, Dnepropetrovsk, Kirovoqrad, Poltava, Vinnitsa, Zaporojye, Çerkassk və Sumı vilayətləri zərər çəkiblər", - o qeyd edib.